علي المرسي.. قصيدة إعلان رجوع
إعلان رجوع
لا أ نا اللى أخلص للقضيه وذنب جيله
ولا كنت أول من لمس أرض الميدان
لحظة صعود الآهه بره ضلوع جريح
مش من نصيبي
عشت انتصاف الأسئله بدون ما أتسأل
كلت إنما من غير شبع
عيني الوساع الشبطانين فيها
اتنفت ف اللا دفا واللا أمان
تعرف ملامحي الصرخه والوان الهتاف
تنطق هدومي بألف لحظه للتعّري والانتهاك
كان عدل جدًا تمتحني ف حبها وما انجحش
دا لإن من يزرع جفا بيحصد جفا
والسكه لو تقدر تضم تقّرب المسافات
قال حسي وقت الفُرقة واللا مُلتقى :
اهرب إليها ومنها
العن جروحها ف بُعدها
اوهب نزيف روحك لها
زورها ف دموع صاحب ما بيود اللى راح
شهّد سراب الحلم عن بكره الضباب
عِد السنين العاجزه تحفظ لك غياب
عيش بين وبين
أكبر ذنوب الخلق ذنب الإغتراب
عنك
وروحك والحبيب
والنور وقلبك
ضى اعترافك بالحنين إعلان رجوع
إرسال تعليق